रक्सि को नसाले म त अचेत नै भएछु - गायिका अन्जु पन्त
गाडी किन्नुभयो ?
छैन, काठमाडौंमा ट्याक्सी नै चढ्छु। गाडी किन्ने पैसाले घरै बन्छ।
उसो भए घर बनाउनुभयो त ?
भर्खरै एकतलाको घर किनेर तला थप्दैछु।
एउटा गीत गाएको कति लिनुहुन्छ ?
परिस्थिति र सम्बन्ध हेरेर लिन्छु। यति नै भन्ने छैन।
कतिवटा गीत गाइसक्नुभयो ?
एक वर्ष जतिअघि नै ५ हजार पुगेको थियो। त्यसपछि गनेको छैन।
किन क्रिस्चियन हुनुभएको ?
सानोमा दिदीले मलाई चर्च लिएर जानुहुन्थ्यो। मेरो गायनको सुरुवात प्रभुको स्तुति गाएरै भएको हो। चर्च गएपछि म मेरा टेन्सनहरू बिर्सन्छु र रिलिफ महसुस हुन्छ।
डिभोर्सपछिको जीवन कस्तो छ ?
एक्लो जीवन झनै आनन्द। छोरी हुर्काइरहेकी छु। एकल निर्णय गर्न सिकेकी छु।
पुनर्विवाहको सोचाइ छ ?
एकपटक गरिसकेको गल्ती फेरि दोहोर्याउन चाहन्नँ।
सबैभन्दा दुःखद क्षण ?
बुबा र दाइ बित्दा।
चलचित्रमा कुन नायिकालाई तपाईंको पाश्र्वगायन बढी सुहाएको जस्तो लाग्छ ?
रेखा थापा, झरना थापा र केकी अधिकारी।
कुन नायिकाका लागि पाश्र्वगायन गर्ने मन छ ?
मनीषा कोइरालाका लागि ।
मीठो गरी पकाउन आउने कुरा ?
पोर्क ग्रेभी।
मात्ने गरी पिएको घटना ?
मेरी आमा तामाङ भएकीले उहाँले छोरी बाइस दिनको हुँदा उतैको चलनअनुसार मलाई चिसो नलागोस् र बच्चीका लागि प्रशस्त दूध आओस् भनेर रक्सी तताएर ख्वाउनुभएको थियो। रक्सी यस्तो लाग्यो कि म अचेतजस्तै भएर घण्टौं निदाएछु।
दुई सेक्सी स्वदेशी पुरुष ?
पाइलट तथा अभिनेता विजय लामा र उद्यमी विजय गजानन्द वैद्य
सबैभन्दा खुसी भएको क्षण ?
छोरी परितोषिकाको जन्म भएको बेला ।
बिहान उठ्दा लिंग परिवर्तन भएर सुन्दर युवक हुनुभएछ भने ?
सायद मलाई सबैका सामु म गायिका अञ्जु पन्त नै हो भनेर प्रमाणित गर्न गाह्रो पर्ला भिडियो हेर्न तल क्लिक गर्नुहोला
|
|
0 comments